Ծաղկազարդի տոնախմբություն Մայր դպրոցի քանդակների պուրակում, մարտի 27, 2021

Մարտի 27, 2021թ․

12.30՝ Ծաղկազարդի տոնախմբություն Մայր դպրոցի քանդակների պուրակ

Հասցեն՝ Հ/Ա Բ-1 թաղամասում, Ա. Բաբաջանյան պողոտա 25
Բովանդակությունը` մարտի ուսումնական օրացույցով
Իրականացումը՝ «Ծառզարդար կրթական պարտեզում», «Ծաղկազարդ» նախագծերով
Մասնակիցներ՝ դասավանդողներ, սովորողներ, հյուր-բարեկամներ
Ծիսական բրդուճների հյուրասիրություն պուրակում

Ծրագրում․

Դավիթ Աֆրիկյան-Սյուզի Մարգարյան․ Սարեր Կաղաչեմ․

Սարեր, կաղաչեմ, իջե՛ք, ցածրացե՛ք,
Գնում եմ յարիս, մի ճամփա բացե՛ք,
Աստված կսիրեք, ճամփես մի՛ք կապի՝
Շատ եմ պապակել, սիրտս կշտապի։


Շերամ, սեգ յարիդ սիրտըն է սառել,
Էլ ի՞նչ ես իզուր փարվանա դառել,
Չոքել կաղաչեմ սարին ու քարին,
Ուրիշն է տիրել քո սիրած յարին։

Միասնական կատարում․ «Գալիս ես, մայիս ես» ․ խմբապետեր՝ Մարիամ Մնացականյան, Մարինե Ոսկանյան
Դու քայլում ես ու փայլում ես ու նազում
Ինձ այրում ես հոնքերիդ խաղով
Ասա ում ես, ասա ում ես երազում
Ում ես կանչում ծիծաղով:

Երբ նայում ես հմայում ես քո լույսով,
Լուսաբաց ես գարնան լուսաբաց
Ես ապրում եմ քո կարոտով քո հույսով
Քո աչքերով եմ գերված:

Գալիս ես գալիս ես դու ինձ մոտ
Մայիս ես մայիս ես արևոտ
Գալիս ես գալիս ես դու ինձ մոտ
Իմ կյանքի առավոտ:

Ինձ տեսնում ես շատանում ես նազերդ
Քո աչքերում արևն է շողում
Դու նայում ես ու շոյում ես մազերդ
Աղբյուրի պես ծիծաղում:

Ես չգիտեմ թե որտեղից դու եկար
Կանաչ գարնան ծիծեռնակի պես
Դու չկայիր իմ սրտ մեջ սեր չկար
Հիմա սիրո ծով եմ ես:

Գալիս ես գալիս ես դու ինձ մոտ
Մայիս ես մայիս ես արևոտ
Գալիս ես գալիս ես դու ինձ մոտ
Իմ կյանքի առավոտ:

Միասնական կատարում․ Հեյ ջան երևան․ խմբապետեր՝ Լուիզա Քեշիշյան, Ջուլի Ղազարյան

Երևանում տոն է` թող բոլորը գան,

Օդը հրաշալի է, ջուրն անմահական,

Նա մի բուրաստան է, վեհ ու ձյունաթագ

Մեր Մասիսների սուրբ, վառ հայացքի տակ:

Հեյ ջա՜ն, Երևան, մեր մայր օրորան,

Հեյ ջա՜ն, հե՜յ, ջան, դու իմ Երևան,

Հեյ ջա՜ն, հե՜յ, ջան, դու իմ Երևան:

Չի ապրել կյանքում ով գեթ իր երազով,

Չի տեսել աստղերն ու մեր ծաղկունքը ծով,

Իսկ մեր աղջիկները՝ սերն է իմ վկա,

Ով նրանց տեսնում է՝ էլ հանգիստ չկա:

Հեյ ջա՜ն, Երևան, մեր մայր օրորան,

Հեյ ջա՜ն, հե՜յ, ջան, դու իմ Երևան,

Հեյ ջա՜ն, հե՜յ, ջան, դու իմ Երևան:

Միասնական ընթերցանություն․ Ե․ Չարենց «Ես իմ անուշ Հայաստանի»

Ծիսական պարերգ․ Հալել եմ յեղը․ Սեդա Թևանյան և ընկերներ

Հալել եմ եղը, յար ջան,
Հալել եմ եղը,
Լցրել եմ կըճըճները,
Դրել եմ տեղը:

Ծաղկեվանք ձորա միջին,
Հալել եմ եղը,
Ա՜խ, կորա խորա միջին,
Հալել եմ եղը:

Ծաղկեվանք ուխտ եմ արե,
Հալել եմ եղը,
Թաց մազըս ջուխտ եմ արե,
Հալել եմ եղը:

Հալել եմ եղը, յար ջան,
Հալել եմ եղը,
Լցրել եմ կըճըճները,
Դրել եմ տեղը:

Ծաղիկ ունեմ քաղած է,
Հալել եմ եղը,
Մի-մի հատիկ պահած է,
Հալել եմ եղը:
Պուճուր առուն զուլալ ջուր,
Հալել եմ եղը,
Տըղեն՝ տես, աղջիկը՝ տուր,
Հալել եմ եղը:

Հալել եմ եղը, յար ջան,
Հալել եմ եղը,
Լցրել եմ կըճըճները,
Դրել եմ տեղը:

Միասնական կատարում․ «Երեսդ կլոր» Արմենակ Տեր աբրահամյան
Երեսդ կլոր դրախտի խնձոր,
Երեսդ կլոր դրախտի խնձոր
Երեսդ կլոր աղջի՛ ջան, սարի ծաղիկ ես
Ծաղիկ ես, ծաղիկ ես, անթառամ ծաղիկ ես

Սայաթ-Նովա․ Մարինե Մկրտչյան և ընկերներ
Նազանի

Դուն էն հուրին իս, վուր գէմի կու զաւթէ,
Չունքի ինձ զաւթեցիր խափով, նազա՛նի,
Արիվիլք, արիվմուտ, հարաւ ու հիւսիս
Չըկայ քիզի նըման չափով, նազա՛նի:

Շատ մարդ քու էշխէմէն կու դառնայ յիզիդ,
Արի մէ ռա՛հմ արա, լա՛ւ կացի միզիդ,
Գ’ուզիմ, թէ համաշա դամ անիմ քիզիդ`
Սանթուրով, քամանչով, դափով, նազա՛նի:

Սայաթ-Նովէն ասաց` արզ անիմ Խանին.
Ղաբուլ ունիմ` քու խաթրու ինձ սըպանին.
Հէնչաք ըլի, եա~ր, գաս իմ գերեզմանին,
Ածիս խուղըն վըրէս ափով, նազա՛նի:

Բրոյի-բրոյի

Թեգուզ քու քաշըն մարքրիտ տան բրոյի—բրոյի,
Թեգուզ քու քաշըն ալմազ տան բրոյի—բրոյի,
Յա՛ր, չիմի տա, չիմ հիռացնի քիզ քու յարեմեն, բարեբարեմեն:

Չիմ քաշվի էկած մահեմեն,
Բաղիփի տըված ահեմեն բրոյի—բրոյի.
Թեգուզ բաղամ գա Շահեմեն,
Յար, չիմի տա, չիմ հիռացնի քիզ քու յարեմեն, բարերարեմեն:

Թեգուզ քու քաշըն ալմազ տան բրոյի—բրոյի,
Թեգուզ քու քաշըն մարքրիտ տան բրոյի—բրոյի,
Յա՛ր, չիմի տա, չիմ հիռացնի քիզ քու յարեմեն, բարեբարեմեն։

Յալալի

Յալալի, Տերն հարություն է առել,
Յալալի, հավը կարմիր է ածել,
Յալալի, Պողոսն երազ է տեսել,
Յալալի, Պողոս, երազդ ի բարին,
Յալալի, շնորհավոր նոր տարի,
Յալալի, նոր տարի ու նոր բարի:
Յալալի, ախպերս ո՞ւր է, ո՞ւր է,
Յալալի, պառկել բախչան ի քուն է,
Յալալի, նըխշուն բարձը գլխուն է,
Յալալի, ջուր վերևոքն անցել է,
Յալալի, նըխշուն բարձը թրջել է,
Յալալի, ախպորս քնից հանել է:
Յալալի, ախպեր, ելի էդ քնից,
Յալալի, գինի խմի էս գավից,
Յալալի, գինին անապակ խմի:

Միասնական պար՝ Էջմիածին

«ՄԽԻԹԱՐ ՍԵԲԱՍՏԱՑԻ» ԿՐԹԱՀԱՄԱԼԻՐ ՊՈԱԿ
ՀԱՍՑԵ` ՀԱՅԱՍՏԱՆ, ԵՐԵՒԱՆ, ՀԱՐԱՎԱՐԵՒՄՏՅԱՆ ԶԱՆԳՎԱԾ, ՐԱՖՖՈՒ 57ՏԵՍՆԵԼ ՔԱՐՏԵԶԻ ՎՐԱ)
ՀԵՌ` +374 (10) 74 72 46 ԲՋՋ՝ +374 (91) 43 10 99
ԷԼ. ՓՈՍՏ` INFO@MSKH.AM